Inda ka stá certo ma ikipa nasiunal di futiból sénior maskulinu ta konsigui viaja manhãn pa Camarões pa disputa Campiunatu Afrikanu di Nações (CAN), ki ta bai di dia 9 di Janéru ti 6 di Fevrêru.
Oji Tubarões Azuis tinha previstu fazi si últimu treino antis di partida, ki stá previstu pa manhãn, entretanto, di akordu ku kumunikadu di Fedrasôn Kabu-verdiana di Futiból silesionador Bubista, analista Pedro Ramos e djugadôr: Marco Soares, Lisandro Semedo e Willis Furtado, testa pusitivu e djês stá na isolamentu.
Kês ôtu djugador e membrus di ikipa téknika djá sa ta trabadja djuntu. Di akordu ku trenadôr adjunto Pedro Figueiredo, ê certo ki Silesôn stá bai Camarões, cedo ô tardi ê sta bai e ê sta priparadu.
Kabu Vêrdi stá na grupu A djuntu ku silesôn di Etiópia, Burkina Faso e Camarões. Kabu Vêrdi ta streia kontra Etiópia.