Kabu Vêrdi konkista kintu lugar sénior femininu na Campiunatu Afrikanu di Natação, júnior e sénior, ki kuntisi, ti onti, na Gana.
Na katiguria sénior femininu ki Kabu Verdi fika na kintu lugar, partsipa 14 país.
Konkista foi graças a jovem nadadora Jayla Pina, di 17 anu, ki gánha 3 midalha di bronze: Dôs na 50 metru bruço, sénior e júnior, e ôtu na final di 200 metru stilu sénior.
Kês resultado li garanti Kabu Vêrdi ses pruméru midalha internasiunal di sempre, na katigurias individual di natação.
Kês ôtu 5 nadadôr ki partsipa (Troy e Latroya Pina, Stiven Lima, Ailton Lima, e Érica Soares ka konsigui midalha mas Fedrasôn Kabu-verdiana di Natação konsidêra ma ês tevi bons prestasôn.