Silesôn nasiunal di futiból maskulinu staba programadu pa viaja oji pa Marrocos, nundi ês tem agendadu um djogu amistosu ku silesôn di kêl país, pa dia 31 dess mês.
Djogu era di priparasôn pa CAN 2021 ki ta ranka dia 9 di janéru na Camarões. Ikipa nasiunal ta kumêsa disputa prova na 1º dia di kumpitisôn num partida kontra Etiópia.
Ikipa sta konsentradu na kapital e internasiunal Yanick Stopira testa pusitivu pa covid-19. Djugadôr stá na isolamentu e di akordu ku Fedrasôn Kabu-verdiana di Futiból ê ka stá xinti nenhum sintoma.
Na trabadju di priparasôn Bubista sa ta trabadja ku 17 djugadôr. Tudu 26 konvokadu ta kumêsa trena djuntu a partir di 5 di janêru, 4 dia antis di arranki di kumpitisôn.