Slesôn kabu-verdiana di futiból sénior maskulinu djá kumêsa pripara si ida pa Burkina Faso pa kumêsa pripara pa apuramentu pa CAN 2023.
Tubarões Azuis stá na Grupu B e ê ta kumêsa disputa pruméra jornada di prova dia 30 di maio.
Dipôs, li na nos kaza, ikipa kabu-verdiana ta djuga ku Togo, dia 14 di junho, e di novu na kaza nu ta resebi Swazilândia dia 19 di sitémbru.
Dia 27 di mesmu mês sileson nasiunal ta bai kaza di Swazilandia pa kumpri 4ª jornada di prova.
Pa 5ª jornada Kabu Verdi ta resebi Burkina Faso dia 20 di março di 2023 e ê ta termina si qualifikasôn na Togo.
Di akordu ku regulamenentu ta qualifika pa fazi final di can kês 2 pruméru ikipa klassifikadu di kada grupu.
CAN 2023 ta ser disputadu di 23 di junhu ti 23 di julho na Costa di Marfim, ku partisipasôn di 24 silesôn afrikanu.