Ta lansadu oji na Biblioteca Nasiunal livru infanto-juvinil “Karaka” di auturia di skritora Carmelinda Abu Raya.
Trabadju ki ta fala di meiu ambienti ta txôma atensôn pa prokupasôn ku lixu na praia di mar e impaktu di asôn humanu na biodiversidadi.
Protagonista di um di kês kontu ê konshedu kitesurfista kabu-verdianu Mitu Monteiro e livru ta bem ku ilustrasôn di praia di mar di Kabu Vêrdi. Trabadju di ilustrasôn e design ê fêtu pa brasiléru Euller Marinho.
Karaka, sextu livru di autôra di livru infanto-juvinil, ta konta stória di um ouriço-di-mar e um tartaruga ki ta viaja pa atxa um kóu suguru e limpu pa vivi. Viagem ta kumêsa na Kebra Kanela. Ti txiga Tarrafal, di Santiago, sês priokupasôn ku meiu ambienti, puluisôn, apanha d’areia e ôtus forma di agridi meiu ambienti sô ta omenta.
https://www.facebook.com/carmelinda.goncalves.3/videos/2210758825635672/