Na kapital kenha ki gánha títulu di midjôr grupu di karnaval dêss anu foi Vindos d´África ku 314,9 pontu – ê interpreta téma Mãe África ku dôs andôr e 300 figuranti.
Vindos d´África – um di kês grupu más antigu di kapital tambê gánha Midjôr Músika, Midjôr Karru Alegóriku, Rei, Rainha, Porta-bandeira e Bateria.
Na 2º lugar fika Estrela da Marinha ku 278 pontu e inda ê leba prémiu di Rainha di bateria e na 3º fika grupu di palmarejo Sambajo.
Inter Vila fika na 4º ku 251 pontu, Bloco Afro Abel Djassi bem logu si traz ku 249 pontu e últimu klassifikadu foi Vindos do Mar ku 246 pontu.
Na 2º skalon di Praia, pruméru lugar bai pa Maravilhas do Infinito ki tambê gánha tudu prémiu individual.
Na próximu idisôn di karnaval Maravilhas do Infinito ta subi pa pruméru divisôn e Vindos do Mar ki fika na últimu lugar na 1º skalon stá bai kumpiti na 2º skalon.