Markadu pa ess sexta-fêra, a partir di 4 óra tardi, anunsiu di kês vensidõr di Carnaval di Praia, na Praça Alexandre Albuquerque, na Plateau.
Êss anu disfili oficial fazêdu pa sinku grupu oficial: Deusa do Amor Sem Fronteiras, Vindos de África, Vindos do Mar, Bloco Afro Abel Djassi e Samba Jó, ki staba ta difêndi títulu konkistadu na 2023.
Samba Jó disfila ku 350 foliôn na 7 ala ku enredo “Porton di nós ilha, abraça bu comunidade sem máscara”.
Grupu di bairro, Vindos d´África sai ku tema “Corda Cabo Verde”, num omenagem a Sportinho, um di kes fundador di grupu. Kês serka di 500 foliôn stevi divididu na 7 ala.
Vindos di Mar di Txada Grandi leba 350 figuranti kum homenagem a peska na tema “Mitologias do Mar”.
Bloco Afro Abel Djassi glorifika Amilcar Cabral ku tema “Mi é um simples africano”, na âmbitu di sentenáriu di pai di nos nasiunalidadi.
E grupo Deusa do Amor Sem Fronteiras aborda disigualdadi susial ku inredu “Navegando contra as marés da desigualdade”.