Dipos di sais anu sem vensi kompitision, grupu Cruzeiros do Norte é kampion di Sonvisenti ku sais distinson.
Grupu di Karnaval mindelensi sta konta gossi ku sinku titlu di kampion.
Alem di titlu di kampion, Cruzeiros do Norte inda konkista premiu di midjor bateria, músika, andor, karnavalesku e primeru- dama.
Grupu Monte Sossego, ki era atual kampion, fika na 2º lugar e inda leba premiu di rainha di bateria e rei di Karnaval 2025.
Na triseru pusison fika grupu Vindos di Oriente, ki rigressa dipos di alguns anu di ausência, Grupu inda risebi premiu di sugunda -dama.
Dja premiu di 4º lugar bai pa Estrela di Mar, també distinguidu ku premiu individual di mestri- sala e prota bandera.
Kintu e ultmu lugar di Karnaval di Sonvisenti fika ku Flores di Mindelo, ki konkista inda truféu di kavalheru di Karnaval 2025.