Sentru Kultural Kabu Verdi, na Portugal, ta silebra oji Dia di Mudjer Kabu-verdiana kum sison Mudjer Kabu-verdiana, ki ta konta ku partisipason e atuason di Batukadera Finka Pé.
Sta prugramadu ominagi simbólika pa Lieve Meersschaert, ko-fundadora di Assusiason Kultural Moinho di Juventude, ku prujeson di vidiu, imagi e testemunhu, pa mostra si kontributu pa kumunidadi kabu-verdianu ki ta mora na Cova da Moura, na Amadora.
Atividadi ta inklui inda un banku di fala afrikanu kum seleson di livru e sobri mudjer kabu-verdiana, pa prumovi kunhesimentu, partilha e valorizason di voz fimininu.