Institutu di Patrimóniu Kultural ta silêbra ess Dia Internasiunal di Monumentu e Sítiu (18 d’ abril) ku lema “Patrimóniu e Klima”, pa promôvi dibati sobri impurtânsia di preservasôn di patrimóniu.
Atividadi realizadui pa IPC, pa silebra data, ta bai ti dia 30 dess mês e distaki ta bai pa lansamentu di um atlas di lista indikativu di Kabu Vêrdi na Unesco. Dukumentu ki ta mostra paisagem cultural di Kabu Verdi ta lansadu manhãn.
Institutu sa ta apoia kâmaras munisipal di país na promosôn di alguns programa. Oji ku kâmara di Rubêra Grandi Santiagu ta realizadu na Sidadi velha, Patrimóniu Mundial, um kombersu abertu sobri Patrimóniu Mundial. Inda stá previstu visita guiadu na tudu monumentu di país.
Objetivu di atividade realizadu pa IPC ê midjora nível di kunhesimentu di património cultural na kumunidadi lukal e idukativu e tambê na instituisôn públiku e privadu.
Tudu pa kontribui pa mum sociedadi nundi ruspêtu pa património cultural, enquanto ilementu di identidade kultural pôdi ser rekunhesidu komu algu signifikativu.