Oji ê Dia Muandial di Kurreiu. Data ê silebradu désdi 9 di Outubro di 1874 quandu assinadu Tratadu di Berna, nundi administrasôn postal uni esforsu e ês kria Uniôn Postal Universal, ki dá inisiu a maior rêdi di distribuisôn físiku di mundu.
Pa silêbra Agênsia Reguladôra Multissectorial di Ekunumia – ARME – stá realiza manênti um Webinar ku transmissôn diretu na sês página di Facebook.
Kombidadu di inkontru ê Isidoro Gomes, Prisidênti di Conselhu di Administrasôn di Kurreiu di Kabu Verdi ki ta fala sobri diversifikasôn di merkadu e kumérsiu iletróniku e Alcides Moreira da Veiga, Sócio Gerenti e representante di UPS na KAbu Vêrdi ki ta papia sôbri Desafiu di setor postal na país.
Di akordu ku Prisidênti di konselhu di administrasôn di Kurreiu di Kabu Vêrdi disafiu di instituisôn ê transforma kurreiu num entidade empresarial sustentável di pontu di vista ikunómiku, finansêru e tékniku.