Kumison Nasiunal pa Direitu Humanu ta rializa oji (18), um sison di toma benson pa silebra Dia Mundial di Konsiensializason di Violênsia Kontra Idosu.
Atividadi prumuvidu djuntu ku Kambra di Son Domingos é pa konvida idosu, pa bai um jardim, pes dá benson pa kriansa, komu forma di prumovi respetu pa direitu humanu di guentis grandi na Kabu Verdi.
Prugrama ta inklui inda mumentu kultural ku partisipason di idosu di konsedju e kriansa di Jardim Estrela e di Jardim Flor de Mãe.
Iventu inda ta sirbi pa prumovi riflexon sobri forma ki susiedadi kabu-verdiana ta trata idosu e sobri kuidadu e atenson ke presisa.