Lisboa góssi tem um jornal skritu na kriolu – um inisiativa di prujetu digital Mensagem di Lisboa ki gánha um bolsa di jornalismu oropeu pa língua minoritáriu.
Kantôr kabu-verdianu Dino d’Santiago ê padrinhu di inisiativa, numa parceria ku si plataforma Lisboa Criola.
Kênha ki ta coordena prujetu ê jornalista guineense di ascendênsia kabu-verdiana, Karina Gomes. Gomes tambê djá txiga di trabadja num jornal na Kabu Vêrdi, n’alguns rádiu di Bissau e na RTP.
Trabadju ta ser aprisentadu na kriolu e purtuguês pa atingi um maior númeru pussivel di pessoas.
Iniciativa ê organizadu e giridu pa International Press Institute di Viena, Áustria, num kolaborasôn ku European Association of Daily Newspapers in Minority and Regional Languages e European Roma Institute for Arts and Culture.