Diresôn-Geral di Disportu rekunhesi ku midalha trabadju e konkista di atleta di cinco mudalidadi ki gánha midalha na kumpitisôn internasiunal na épuka 2017/2018.
Kês rekunhesidu ê na mudalidadi di Karaté, Andebol, Ginástica, Disportu Adaptadu. E Halterofilismu/Bodybuilding.
Emilice Patrícia Tavares Soares, rekunhesidu pa konkista di midalha di prata na Jogos Afrikanus di Juventudi di Karaté, na Argel.
Na Andebol, silesôn sub-18 femininu rekunhesidu pa konkista midalha di prata na Jogos Africanos di Juventudi, na Argel e silesôn sub-19 maskulinu pa konkista di midalha di bronzi na Challenge Trophy, na Mauritânia.
Na ginástica atleta Thairine Isabel Lima Fortes e treinadôra Jeniffer Ramos Correia e Silva rekunhesidu pa medalha di bronzi kê trazi di 14º idisôn di Kampiunatu di Áfrika di Ginástika Aeróbiku, na Congo.
Trabadju di Gracelino Barbosa, na Disportu Adaptadu, rekunhesidu dipôs kê gánha midalha d’ ôru (60 metru barrêra), prata (60 metru razu) e bronzi (200 metru razu) na Kumpitisôn Mundial di INAS na França.
Na halterofilismu/ bodybuilding, Eveltino Jorge Rodrigues, konkista midalha di bronzi na Kampiunatu Afrikanu Júnior, maskulinu di Bodybuilding, na Argel.