Comité Olimpiku Cabu-verdianu stá sensibiliza kabu-verdianus, disportista ô não, a partsipa na mega kampanha di limpeza mundial World Cleanup Day, markadu pa kuntisi manhãn.
Li na Praia, atividadi ta kumêsa a partir di 8 óra palmanhãn e grupu ta limpa Portinho, na Txada Grandi Trás.
Inisiativa di Assosiasôn di Cumité Olimpiku Nasiunal Afrikanu kumêsa fazedu anu passadu quandu ê mobiliza serka di 21 milhôn di pessoa di 180 país.
Ess anu pamodi pandemia, pa partsipa interessadu tem ki fazi si kampanha di limpeza, pôdi ser dentul si casa ta tra tudu lixu, inklusive lixu eletróniku e manda fotu pa kumité olimpiku kabu-verdianu.
Indikasôn ê evita aglomerasôn e pratika distansiamentu susial ao máximu.
Através di organizasôn mundial “Let’s do it world”, ideia ê djunta parsêru tudu anu pa maximiza impactu ki ta konsisti na limpa planeta na um dia.