Dipôs di mudança na 4 di kês 17 katiguria, Lucibela passa ta lidera nomiasôn – ê staba ku 4 e góssi ê passa pa 5 nomiasôn.
Kês mudança ê sigunti:
Na katigoria Midjôr Koladêra ta sai Neuza de Pina ku músika Culanfuntun e ta entra Dudu Araújo ku músika Moléstia Tropical.
Na katiguria Midjôr Morna kês nomiadu ta manti mas Nancy Vieira ta dexa di konkorri ku músika Manhã Florida e ê ta passa ta konkorri ku single Sem bo amor.
Na katiguria Midjôr Produtor Musical, Teófilo Chantre ta substitui Hernany Almeida.
E na katiguria di Artista Rivelasõn ta sai Romeu di Lurdis e ta entra Lucibela.
Tambê anunsiadu nomiadus pa midjôr video-clipe: Elji ku tema Ride e Rapaz 100 juiz e Calema – Preparado – kelotu nomiadu ta anunsiadu oji.
Próximu simana organizasôn ta splika mutivu di kês mudança li e tambê sugunda fêra ta ranka votasôn di públiku pa Midjôr em Palku, Artista Rivelasôn e Músika Popular d’ Anu.