Bilheti pa djogu di Kabu Verdi na fazi di grupu di Mundial 2026, dja kumesa bendedu na plataforma ofisial online.
Sugundu Fiderason Kabu-verdiana di Futebol, kompra ta fazedu konformi regulamentu di FIFA pa Kampionatu di Mundu di 2026, ki ta kuntisi na Merka, Canadá e México.
Presu ta varia entri 6 mil e 50 mil skudu, dipendendu di katiguria e djogu di seleson nasiunal na fazi di grupu.
Pa djogu entri Espanha e Kabu Verdi markadu pa dia 15 di Junho, na Atlanta, presu é di serka di 6 mil skudu na katigura 4 e 50 mil na katigura 1.
Dja na djogu ku Uruguai, ki ta kuntisi dia 21 di junho, na Miami, valor é kel meh e kontra Arábia Saudita, agendadu pa dia 26 di Junho, na Houston, bilheti ta kusta entri 6 mil e 40 e tal kontu.