Dilegason kabu verdianu konkista mas 3 midália na Djogu Disportivu di CPLP. País ganha mas un midália di prata i doz di bronzi.
Ku es risultadu, Kabu Verdi totaliza 8 midalha, tudu na modalidadi di atletismu.
Na voleibol de praia, sileson maskulinu garanti prisensa na final. Dupla ganha Timor-Lesti pa 2 sets.
Ekipa maskulinu ta enfrenta Purtugal na final, ki ta kontisi es kinta fera, dia 24, na luta pa midália d’oru.Na fimininu, sileson nasional perdi ku Purtugal pa 2-0. Atletas ta volta areal, manham, kinta fera, pa luta pa triseru lugar i midália di bronzi kontra Mosambiki.
Na basketibol, ekipa maskulinu di 3×3 ganha Purtugal a 18-12 i na fimininu, Kabu Verdi ganha Mosambiki pa 13-11.
Na futebol, sileson nasional sub 17, golia Timor Lesti pa 4-0 na djogu di sugundu jornada di torneiu Ekipa ki soma 3 pontu ta volta volta kampu, es kinta fera, dia 24, a djuga kontra Purtugal, djogu é disisivu a apuramentu pa proximu fazi.
Djogu di CPLP sa kontisi na Díli, Timor – Lesti ti dia 28 des mes. Kabu Verdi sta representadu pa 50 atleta i 12 trenador na diferenti modalidadi.