Djogu entri Kabu Verdi i Argélia, pa midalia di bronze di 27.ª edison di CAN’2026 d’ Andibol, na Ruanda, adiadu pa es sábadu, pa 09h00 palmanham di Kabu Verdi.
Informason é di Fiderason Kabu-verdianu d’Andibol, dipos d’alterason ki fazedu pa Konfederason Afrikanu d’Andibol (CAHN). Ku mudança, djogu di bronze ta disputadu na mesmu dia di final entri Egiptu i Tunísia.
Na es caminhada ti final, Egiptu ilimina Kabu Verdi, enkuantu ki Tunísia afasta Argélia. Apesar di ka txiga final, Kabu Verdi dja garanti prisensa na próximo Kampionatu di Mundu d’Andibol.