Dokumentáriu “Cesária Évora, a diva dos pés descalços” ta ixibidu dia 02 di fevreru, na Recreios d’ Amadora, na Purtugal, num sesson promovidu pa Kâmara Munisipal d’Amadora i pa organizason kultural Leves – Fronteira dos Afectos.
Ixibison sta dentu di prujetu Cine Segunda, inisiativa mensal dedikadu a valorizason di ‘setima arti, ki ta prisenta obra sinematográfiku cultural na prumeru sugunda-fera di kada més.
Realizadu pa Ana Sofia Fonseca, filme ta fala di vida i obra di Cesária Évora, ku imagi inéditu, dokumentáriu ta fala di liberdadi rasial i igualdadi di géneru, num retratu profundu di un di kes maior voz di músika lusófona.