Dukumentáriu “Cesária Évora” tem streia mundial markadu pa manhãn na festival merkanu South by Southwest, na Texas.
Filmi di rializadôra purtuguesa Ana Sofia Fonseca tem imagem di arquivu ki nunca ka divulgadu, gravasôn inéditu e tistimunhu úniku di kêl kê konsidradu um di kês maior nómi di World Music, Cesária Évora.
Filmi kumêsa gravadu na 2018, durante carnaval di Són Visênti. Trabadju ta mustura imagem ressenti ku antigu fêtu pa kolaboradôr di Cise.
Distribuisôn mundial di dukumentáriu sa ta fazêdu pa Cinephil/WestEnd Films, mas inda katem data previstu pa si streia na Kabu Vêrdi.