Duranti êss mês combustível ta fika mas karu na país. Omentu ê entri 4 e 10 pur sentu, di akordu ku novu tabela di preço atualizadu pa Agênsia Reguladora Multissectorial di Economia (ARME).
Gasóliu normal sta bendedu pa 81 skudu e 50 sentavu, kada litru, petróliu stá pa 68 skudu e 10 sentavu, gasóliu pa iletrisidadi stá pa 66 skudu e 30 sentavu e Fuel 180 stá pa 62 skudu e 70 sentavu.
Gás stá pa 127 skudu kada kilu. Garrafa di 3 kilu stá pa 362 skudu, di 6 kilu stá pa 763 skudu, di 12 kilu e meiu stá pa 1.589 skudu e di 55 kilu sa ta bendedu pa 6.991 skudu.
Omentu di preço ê justifikadu pa ivolusôn di preço petroliferu na merkadu internasiunal.