Ogi ê dia mundial di luta kontra Sida – Tema des anu ê Equidadi Já. Sugundu Organizason di Nason Unidas, kampanha des anu ê un konviti pa nôs tudu poi em prátika ason fetiva nesessáriu pa kombati desigualdadi y, asi, kaba ku Sida.
ONU revela ki dipôs di 4 dékada di risposta a HIV, desigualdadi inda sta na kes servisu mas básiku, sima prevenson, diagnóstiku, tratamentu e, prinsipalmenti, na asessu a nova teknologia.
Dadus di ONU sobri resposta global a HIV ta mostra ki duranti últimu 2 anu, ku Covid-19 y otus krisi global, progresso di risposta á Sida fadja y rekursu diminuí, ku kelá, milhon di vida sta em risku.