Elida Almeida foi artista más premiadu ku 4 distinson – Midjôr Interprete Femininu, Álbum d’ Anu ku Kebrada, Midjor Funana ku Grogu Kaba e música tradicional ku Bersu d’Oru.
Blacka gánha músika do ano ku nos ki tem más tambê ê lêba pa kaza prémiu di Artista Rivelasôn e Midjor Afrobeat/Afrohouse.
Cremilda Medina konkista dôs prémiu: Morna d’ Anu Sonho d’um Criola e Sapo Award
Sara Tarares leba prémiu di Midjor Ritmu Internasiunal e Midjor Video Clip ku Coisas Bonitas.
Di ómi kenha ki gánha prémiu foi:Grace ganha prémiu di Midjôr Intérprete Maskulinu e Midjôr Koladêra ku bo vice, Djodje gánha prémiu di Midjor Atuasôn ao Vivo e Midjor Kizomba ku I Love You, Hernani Almeida ku midjôr produsôn di Kebrada, Midjôr Hip Hop Batchart, Mário Lúcio e Zeca Nha Renalda: Midjor Kolaborasôn ku Nandinha e Prémiu karreira Tito Paris.
Artista Solidário
Ga DaLomba ê artista ki resêbi Menção Honrosa na katiguria Artista Solidáriu di Kabu Vêrdi Music Awards 2018.
Katiguria ta distaka artista/ músiku e kompusitôr ki kontribui pa dzinvolvimentu susial, kumunitáriu e pa igualdadi atravéz di sês trabadju.
Prémiu pa rapper Ga DaLomba ê pamódi trabadju kê tem stadu ta fazi komu ativista susial pa kombati konsumu di alcool e droga.
Menção Honrosa
Kompusitôr Betu resêbi Menção Honrosa na katiguria Kompusitôr di CVMA 2018. Na 2012 ê gánha prémiu di Midjôr Kompusitôr.Katiguria ta premia, tudu anu, um personalidade ki ta distaka komu um kriadôr di excelênsia. Menção ê um forma di rekunhêsi karrêra di músiku e rakorda sês grandi kompusisôn kompostu prinsipalemnti pa morna – kandidata a Património Imatrial di Humanidadi.
Radialista José Fonseca Soares ê skodjedu pa resêbi Menção Honrosa na katiguria Prufissiunal di kumunikasôn susial.
Fatboy resêbi menção honrosa na katiguria DJ – keli ê um katiguria ki ta premia DJ ki ta distaka na promosôn e divulgasôn di músika kabu-verdiana. Na 1º idisôn di Deejay Awards Kabu Vêrdi, ki kuntisi êss anu, Fatboy konkista prémiu di DJ popular di Anu e Midjor DJ di Músika Iletrónika.
Responsabilidadi Susial
Êss anu eventu apoia Skóla di Músika di Aldeias SOS, na Ribeirão Chiqueiro, São Domingos – um inisiativa ki ta ensina músika pa criança e jovem e lebás a xprimi através di arti komu forma di inklusôn susial e kria valor.