Ess fim di simana definidu mas quatu kampiôn regional di futiból.
Na Són Visênti Mindelense labanta taça dipôs di protagoniza clássiku ku Derby. Djogu fika 0 – 0. Mas Mindelensi ki konkista si oitavu taça regiunal mistia sô di um impati pa festeja.
Na maio konkista foi di Figueirense. Pruméru kampiunatu regiunal konkistadu pa Figueirense foi num djogu kontra anterior kampiôn, Bairrensi, ki fika 2 – 0 na 10ª jornada di prova.
Belo Horizonte di São Nikolau gánha kampiunatu regiunal di ilha dipôs di gánha Talho pa 4 – 0. Keli ê 2º títulu regional konkistadu pa Abelhas di Juncalinho.
E na Santiagu Norti, Varandinha di Tarrafal sagra bi-kampiôn regiunal dipôs di gôlia Beira Mar pa 5 – 2. 18ª e última jo9rnada di prova tambê fika markadu pa dispromosôn di Estrela dos Amadores di Tarrafal.