Praia ta risebi di 11 ti 16 des mês fazi di kualifikason di Basketbol Africa League (BAL)- Fiba Road to Bal Elite 16, kompitison prufissiunal organizadu pa FIBA e NBA.
Lansamentu ofisial di iventu sta markadu pa es tardi, na kapital di país.
Guvernu fla ma un honra e risponsabilidadi pa país risebi es etapa di kualifikason.
Distaki ta bai pa Kriol Star, 1º ikipa kabu-verdianu ta partisipa na kompitison, lideradu pa atleta Joel Almeida.