FCF dja anuncia kalendariu di Tasa di Kabu Verdi 2024/2025, mas so 5 djogu di kualifikason pa fasi di grupu ki dja sta agendadu, inda sta pa difinidu meias finais i final.
Di kes 5 djogu markadu sta 3 djogu di Grupu A, formadu pa vensedor di tasa regional di Santanton Norti, Sal, San Niklau, Mindelense di Son Visenti i Lajedos di Santanton Sul i 2 di grupu B, formadu pa representante di Santiagu Norti, Boa Vista, Sporting di Praia i Fogo.
Prumeru djogu di Grupu A sta agendadu pa oji, dia 6 di Abril, entri Mindelense i Lajedos, na stadiu Aderito Sena, kenha ki ganha es djogu ta bai kontra ku San Niklau na dia 12 di Abril.
Na mesmu dia i na mesmu grupu, representanti di Santanton Norti ta kontra ku vemsedor di Tasa di Sal.