Filmi O Menino do Mar ta ixibidu oji, na Casa do Brasil, Instituto Guimarães Rosa, na Praia.
Dukumentáriu di realizador Júlio Silva ta konta stória dum mae ki perdi si fidju, na asidenti ki kuntisi ku Návio Vicente.
Barku fundia, na mar di Fogo, dia 08 di Janeru di 2025, undi morri 15 alguem, três passeru e 12 tripulanti.
Entri kes passageru staba um pai e um fidju di sais anu, pai subrivivi, ma si fidju kaba pa morri na si brasu dipôs di fika munti tempu riba mar.
Sugundu realizador Júlio Silva, filmi é ka sobri náviu, ma sim é ta konta stória, ke obi di mae e pai, ki perdi sis fidju na mar e dor di perda ki ti oji es ka supera.
Filmi di um ora, foi gravadu na trajetu Sonvisenti, Praia e Fogo ku partisipason di serka di 20 ator kabu-verdianu.