Streia di filmi “Os dois irmãos” stá markadu pa êss sábadu na Cine Praia, na Praia Shopping, ku entrada livri.
Filmi, pa maior di 12 anu, di purtuguês Francisco Manso, inspiradu na obra ki tambê txôma “Os dois irmãos”, di Germano Almeida, ê um co-produsôn entri Kabu Verdi e Purtugal.
Trabadju ê inspiradu nu stória verídiku di André, um kabu-verdianu ki ta vivi na Lisboa e ê ta resêbi um karta di si pai pa bem Kabu Verdi limpa honra di família pamodi si armum más novu invôlvi ku si mudjêr.
Filmi tambê ta botadu na mesmu spasu di dia 16 ti dia 20 dess mês. Na fim di simana bilhêti podi labantadu a partir di 2 óra tardi e dia di simana ê a partir di 4 óra tardi.