Futiból Femininu: Kabu-verdiana Evy Pereira gánha êss fim di simana Taça di Purtugal dipôs ki si ikipa, Benfica, gánha Valadares Gaia pa 4-0.
Kabu-verdiana marka 4º gôlu di partida na kobrança di um penalti kontra ikipa nundi kê djuga na últimus dôs temporada.
Nêss temporada avançada Evy Pereira marka 32 gôlu na 18 djogu.
Fisiculturismu: Kabu-verdianu Evelino Rodrigues más konshedu pa Lino konkista midalha di ôru e bronze na kumpitisôn Arnold Classic Africa 2019 ki kuntisi êss fim di simana na Áfrika do Sul.
Lino gánha ôru na katiguria Master Men Fysique e ê fika na 3º lugar na katiguria Men Fysique ti 1 metru e 74.
Lino góssi stá bem pripara pa próximu kumpitisôn: Kampiunatu Afrikanu di Fisiculturismo markadu pa kuntisi na mês di Agosto na Angola.
Halterofilismu: Halterofilista kabu-verdiana Irina Carvalho alcança mínimo necessáriu pa Olimpiadas 2020.
Ta riprisenta Inglaterra Irina qualifika pa levantamentu di Pézu Olímpico 72 kilu e 85 kilu na katiguria Master.
Konsidradu um atleta versátil, Irina tem konkistadu munti prova na Inglaterra – país nundi kê ta vivi.
Ê gánha 2º prémiu na London Strongest, ê tevi bom prestason na Ninja Warrior e ê qualifika pa Cross Fit Games 2019.