Fistival Internasiunal di Cinema “Djarfogo Cine-Fest” ta ranka oji e ê ta bai ti dia 13 dess mês, ku maioria di atividadi na Chã das Caldeiras.
Abertura ta fazêdu ku animasôn cultural e um sessôn di boas vindas pa cineasta kombidadu.
Pa oji tambê sta previstu um palestra sobri Parque Natural di Djarfogo, orientadu pa invistigadora e cineasta francesa Floriane Chouraqui.
Tambê stá previstu um workshop di produsôn sinematográfiku e audiovisual, ministradu pa cineastas.
Pa oji nôti ta streia kurta-metragem di fiksôn O último desejo do vulcão, uma produsôn di Txan Film Productions & Visual Arts. Dipôs di aprisentasôn di filmi di 25 minutu tem sissôpn di pergunta ku produtor e realizador Guenny Pires e ku atoris di filmi.
Na eventu stá partsipa kombidadus di Merka, Suécia, Itália, França, República Democrática do Congo, Senegal, Holanda e CPLP.