“Par-tilhas” ê tema dum palestra sobri fotografia e spusisôn “A luz que não vemos” di fotógrafu Hélder Paz Monteiro ki ta proferidu oji di tardi na Sentru Kultural di Mindelo.
Spusisôn ê kompostu pa 18 fotografia di Merkadu di Praia nundi autor ta mostra ma fotografia ê kêl ki nu ta odja e kêl ki nu ta odja ta dipêndi di kêl ki nôs ê.
Na trabadju fotógrafu ta forma um sinfunia di sombra pa mostra “luz ki nu ka ta odja”.
Hélder Paz Monteiro nánsi na Santantôn na 1973. Ê studa arquitetura e urbanismo na Brasil e logu na épuka ê kumêsa fazi fotu quando ê kumpra si 1º kâmara analógiku. Di lá ê bai ta profissiunaliza e di 2005 ti 2021 ê partsipa na munti spusisôn individual e koletivu, dentu e fora país. Monteiro ê co-autor di 8 antulugia di fotografia kontemporaniu editadu e publikadu na Purtugal.