Silesôn nasiunal femininu di futiból di Praia djá stá na Qatar nundi ê sta bai partsipa di manhãn ti dia 16 dêss mês na Mundial di mudalidadi.
Ikipa nasiunal stevi um simana, na Sal, ta pripara pa prova. Stréia di comandadas di Silveria Nedio ê manhãn kontra Brasil.
Dumingu sileson nasiunal, ki stá na Grupu A ta djuga ku Spánha e dia 14 djogu ê kontra México. E Grupo B ê kompostu pa Grã-Bretanha, Rússia, Merka e Paraguai.
Meias-finais ta djugadu dia 15 dêss mês entri kês vensidôr di kês dôs grupu e final ta djugadu dia siguinti.
Kabu Vêrdi ê úniku riprisentanti di Áfrika na kumpitisôn. País karimba si passaporti ku midalha d’ôru kê gánha na Jogos Africanos di Praia, na Sal.