Oji Silesôn Kabu-verdiana di Futiból Femininu ta infrênta silesôn di Libéria, na djogu di 2º mon di preliminar di qualifikasôn pa CAN 2024, markadu pa kuntisi na Marrocos.
Djogu, markadu pa duas e meia di tardi, ê na kaza di Libéria.
Nôs ikipa sta bai ku vantagi di ter ganhadu 1º djogu, ki disputadu li na kasa. Kabu Vêrdi gánha pa 3 – 0: 1 gôlu di Evy Pereira e dôs di Vá Moreira.
Kabu Vêrdi sô presisa impata pa apura pa próximo fazi, nundi ê ta infrênta Nigéria ô São Tomé e Príncipe.
Pa idisôn 2024, 40 país stá partsipa na eliminatória. Kês ikipa ki passa pa 2º turnu ta disputa um 2º fazi d’iliminatória na mês di Novembro.