Silesôn femininu di futiból di praia ta streia oji na Jogos Mundiais di Praia ki ta kuntisi na Qatar ti dia 16 dêss mês.
Djogu di stréia kontra Brasil ta kuntisi 2 óra di tardi e dumingu li mininas komandadu pa Silvéria Nédio ta infrênta Spánha pa 2º fêra inkontra ku México. Meias finais ta djugadu dia 15 dêss mês e final ta markadu pa dia 16.
Iikipa tékniku di país ê formadu pa Silveria Nedio e Helder e kês 10 atleta ki stá riprisênta cor di nôs bandêra ê: Vanda Graça, Carolyn Tomar, Rosangela Lima, Jocilene Martins, Ruth Duarte, Simónica Duarte, Keila Delgado, Kelisa Fortes e guarda-redes Melany Fortes e Jacinta Rodrigues.
Kabu Vêrdi ê úniku riprisentanti di Áfrika na kumpitisôn. Nôs país karimba si passaporti ku midalha d’ôru kê gánha na Jogos Africanos di Praia, na Sal.