Ta ranka oji 1º fazi di kampiunatu di kabu vêrdi di futiból femininu. Fazi li ta ser disputadu na Praia e na Mindelo e Final Four stá markadu pa kuntisi na Sal.
Ess pruméru fazi ta disputadu na sistema di proximidadi ku ikipa divididu na grupu di Norti, ki ta disputadu na Són Visênti e grupu di Sul disputadu na Praia.
Grupo A ê kompostu pa ikipa kampiôn regiunal di Són Visênti, Sal, Santanton Sul e Saniklau e di Grupu B ta fazi parti, riprisentanti di Santiagu Sul, Santiago Norte, Boa Vista, Fogo e Llana di Sal (kampion nasiunal em títulu)
Disputas ta kumêsa êss 3ª fêra ku ikipa di Llana di Sal ta difendi títulu di kampiôn nasiunal nun djogu kontra Adec di Santiagu Norti. Tambê tem: Águias Vermelhas di Fogo – Seven Stars, di Santiagu Sul.
Djogus di Grupu A ta ranka kinta fêra ku Mindelense di Són Visênti ta infrênta Beira-Mar di Maio e Dorensi, kampiôn di Sal, ta infrênta representanti di Santantôn Sul.