Akadémika di Praia e Foguetões ê kês kampiôn regiunal di Santiagu Sul e Santantôn Norti.
Góssi ês ta djunta ku Sporting di Praia, Vulcânicos di Fôgo e Académika di Porto Novo djá apuradu pa Kampiunatu Nasiunal ki ta ranka dia 7 d’ Abril.
Na Santiagu Sul, Akadémika gánha regiunal dipôs di 9 ánu sem ganha – ê derrota Bairro pa 3 – 0 e inda ê benefisia di um empati 1 igual entri Boa Vista e Eugénio Lima. Ta falta dôs jorada pa finda prova Akadémica stá ku 53 pontu, siguidu pa Boa Vista ku 45.
Na Santantôn Nórti, Foguetões tambê gánha regiunal dipôs di 9 ánu sem gánha – Ikipa benefisia di derrota di Santo Crucifixo diante Beira Mar pa 2 – 1. Ku resultado Foguetões fika izoladu na tôpu di tabela ku 22 pontu e Paulensi kai pa 2º divisôn.