Silesôn di Kabu Verdi di Futiból kai três lugar na tabela atualizadu di Fedrasôn Internasiunal di Futiból (FIFA).
Góssi Tubarões Azuis, ki na setembru staba na 71º lugar, stá na pusisôn 74 ku 1326 pontu. Dentu di nôs kontinenti, Kabu Verdi stá na pusisôn 14.
Argentina ta kontinua na liderança di ranking mundial e si tras tambê ta kontinua França e Brasil.
Top 10 mundial ta fika kompletu ku Inglaterra, Bélgica, Purtugal, Países Baixos, Spanha, Itália e Croácia.