+ Regiunal di Santantôn-Sul: Akadémika assumi liderança isoladu, ku 6 pontu, dipôs kê gôlia Sporting pa 4 – 0 na fecho di 2º jornada di kumpitisôn.
Inda têvi: Fiorentina 3 – Marítimo 2, Inter 4 – Sanjoanense 1 – 2º lugar ê repartidu entri Fiorentina, Inter, Sporting e Marítimo ku 3 pontu kada e Sanjoanensi inda stá zeradu.
+ Regiunal di Santantôn Norti: Ês fim di simana djugadu 3º jornada – Rosariensi ki stába na liderança perdi ku Foguetões pa 1 -0 e Santo Cruxifixu ki gánha Paulensi pa 2-0 assumi liderança di prova. Beira-mar e Sinagoga impata 1 igual.
Santo Crucifixo stá ku 9 pontu, Rosariensi stá beneficia di midjôr goal average pa okupa 2º lugar ku mésmu 6 pontu ki Foguetões ki stá na 3º lugar. Sinagoga stá ku 4 pontu, Beira-mar konsigui si 1º pontu e zeradu stá Paulensi na sextu e últimu lugar.
+ Regiunal di Són Visênti: Ês fim di simana djugadu 3ª jornada di kampiunatu – Batuco gánha Farênse pa 1-0 e ê fika ku koladu na Mindelense ki stába isoladu ta lidêra prova – tudu dôs ikipa stá ku 6 pontu.
Mindelense impata zero – zero ku Ribeira Bote, Derby impata um igual ku Salamansa e Castilho gánha Akadémica pa 2 -0.
+ Regiunal di Saniklau: Ikipas di Saniklau inogura épuka disportivu ê fim di simana – Ultramarina impata um igual ku Ajat.
Belo Horizonte gánha Atlétiku pa 3-2, Talho gánha Ribeira Brava pa 2 – 0 e Akadémika gánha Praia Branca pa 2 – 1.
+ Taça Djarfôgu: Botafogu, vice-lider di regiunal gánha Disportivu, di 2º skalon pa 3 – 1 na penalti e ê passa pa próximu fazi di prova.
Ôtu ikipa ki passa pa fazi siguinti foi Spartak dipôs kê gôlia Luzabril, di 2º skalon pa 4 – 1. Tambê na penalti Cutelinhu konsigui karimba passaporti pa próximu fazi: ê ganha Grito Povo pa 3 – 2. No Pintcha tambê passa kum goliada di 4 – 1 kontra Atlantiku.
+ Regiunal di Santiagu Norti: Na djogu di 7º jornada Flor Jovem gánha Ajac pa 2-1 e ê kontinua na lideransa ku dôs pontu di diferensa em relação a 2º lugar – Beira Mar ki stá ku 13 pontu.
Estrelas dos Amadores gánha Scorpion pa 1 – 0, mésmu resultadu ki Varandinha gánha Benfica e lanterna-vermelha, Disportivo di Calheta gánha São Lourenço pa 3 -2 – keli foi 1º vitória di Disportivu pur issu ê ta kontinua na fundu tabela. Beira-mar ganha Grémio Nhagar pa 2 – 1.
+ Regiunal Di Santiagu Sul: Pa 10º jornada Akadémika gánha Tchadensi pa 2 – 1 e ê tôrna inkosta na Celtic ki stá lidera prova ku 25 pontu – 1 pontu a más ki Akadémika ki stá na 2º lugar.
Travadores ki fazi si pruméru djogu ku nóvu trenadôr: Dino – impata um igual ku Benfika, Sporting gánha Tira Chapéu pa 1-0, Celtic gánha Ribeira Grande pa 2-1, Disportivu e Eugénio Lima fika 2 igual e Boa Vista gôlia Bairro pa 7 – 3.