Silesôn kabu-verdiana di futiból t’infrênta oji silesôn di Comores num djogu amigável na França.
Kêli ê sugundu di dôs djogu amigável ki Tubarões Azuis tinha programadu num spasu di cinco dia.
Na djogu di simana passado kontra Argélia, Kabu Vêrdi perdi pa 5 – 1.
Djogus ê di priparasôn pa eliminatória di Mundial 2026.
Silesôn kriola, komandadu pa tékniku Bubista, tambê djá sta pensa na fazi di grupu di CAN 2024.
Na surteiu fêtu na Abidjan, pa Konfederasôn Afrikana di Futiból, nôs ikipa kai na Grupu B, djuntu ku Egipto, Gana e Moçambique.