Grace Évora sta pripara spetáklu na Coliseu di Recreio pa silebra si 30 anu di karrera, ki ta konta ku partisipason di múnti artista konbidadu.
Show pa dia 07 di Julho, na Portugal, ta sirbi tambê pe fazi aprisentason di si novu disku ke da nomi di 2060.
Grace Évora sta nomiadu na International Portuguese Awards na katiguria world music e midjor pop performance.
Kantor inda risebi nomiason na Cabo Verde Music Awards na katiguria di midjor voz maskulinu, disku dia anu, midjor koladera e midjor cabozouk/cabolove.