“Guitarrissima” ê nómi di konsertu programadu pa ess sábadu na Palásiu Kultura Ildo Lobo, na Plateau. Show ê ku guitarrista spanhól Rafael Serrallet.
Keli ê pruméru bez ki konseituadu guitarrista stá bem Kabu Vêrdi e sês kombidadu pa show ê um grandi dupla di músikus kabu-verdianu: Manuel Candinho e kaku Alves.
Na konsertu t’aprisentadu um repertóriu di músika spanhól ku temas di grandi autor sima: Albéniz, Aguado e Tárrega.