Idisôn dêss anu di residência artístiku Catchupa Factory stá omenta durasôn di dôs pa três simana e ê tem principal financiadôr Fundasôn Calouste Gulbenkian.
Finansiamentu ê possível na âmbito di konkursu trianual d’ Apoiu à Realizasôn di Residência Artístiku na PALOP.
Quartu idisôn stá previstu pa kuntisi, na Són Visênti, di 30 di Maio ti 20 di Junhu e inskrisôn stá abertu ti dia 27 dêss mês.
Prugrama d’ insentivu pa kriasôn artistiku na formatu di residência artístiku ê dirigidu pa fotógrafu e artista emergenti di País Afrikanu di Língu Ofisial Purtuguês (PALOP).
Kês fotógrafu skodjedu ta ser konshedu dia 2 d’Abril dipôs di silesôn di júri kompostu pa Diogo Bento, Rita Rainho, Michelle Loukidis, Paula Nascimento e John Fleetwood.