Mito Kaskáz e Diva Barros é kes prumeru duetu improvável riveladu pa organizason di Somos Cabo Verde.
Hamilton Barros Borges mas konshedu pa Mito Kaskas nâsi na Txada Santantoni, Praia dia 4 di Nuvembru di 1979. rapper di 38 anu, ki na si infânsia ta kurtiba grupu merkanu Criss Kross, tevi insentivu pa kanta na kaza e na skôla.
Rapper ki dja tem kuasi 20 anu di karrera é konshedu pa um di kes fera di free style, pamodi si kapasidadi di impruvisu na palku.
Dja Diva Barros ki nâsi na Sonvisénti na 1967 é konxedu pa si gostu pa músika tradisiunal kabu-verdianu, latinu, Samba, Bossa Nova, Jazz e Soul.
Kantora di 51 anu teni na merkadu si prumeru disku di karrera ke da nomi di Palk di Vida. Trabadju pruduzidu pa Hernani Almeida trazi 12 músika skritu pa Paulino Vieira, Constantino Cardoso, Boy Gé Mendes, Glanzer Ramos,Teófilo Chantre, Calú Monteiro e Djoy Delgado.