Atleta kabu-verdianu di Taekwondo Nicalas Fernandes ta infrênta oji nôti Spanhol Hugo Arillo na Jogos Olimpikus di Juventudi.
Na kampiunatu ki stá kuntisi ti dia 18 dêss mês na Argentina, kabu-verdianu ta kumpiti na katiguria di – 55 Kg.
Partsipasôn nasiunal
Na tutal Kabu Vêrdi stá partsipa ku três atleta: Kês ôtu ki ta kumpiti na atletismo ê: Adriana Almeida e Marcelo Gomes.
Tambê stá lá atleta olímpika di Taekwondo Maria Andrade, más konshedu pa Zezinha – ela ka ta kumpiti – ê stá lá na âmbitu di Prugrama Young Chance Makers ki ta insentiva empreendedorismu susial atravéz di desportu.
Keli ê tersêru bez ki Kabu Vêrdi stá partsipa na kumpitisôn ki êss anu ta reuni três mil atleta di mundu intéru.