Ónti Kabu Vêrdi impata 0-0 ku Lesoto, na djogu di últimu jornada di qualifikasôn pa CAN – kel resultadu li ta dêxa país fora di kumpitisôn afrikanu ki ta kuntisi na Egipto.
Trenadôr Rui Águas lamenta situasôn pamodi ê atxa ma silesôn pudia fazêba mutu más. Ká dá, más góssi ê kre ikipa koncentradu e fokadu na próximu disafiu: qualifika pa Mundial.
Djogu entri Tubarões Azuis e Lesoto pitadu pa malianu Mahamadou Keita auxiliadu pa Baba Yomboliba e Nouhoum Bamba. Quartu árbitru foi Gaoussou Kané e papel di kumissáriu di djogu dzimpinhadu pa guineense Gregorio Badupa.
Na kelotu djogu di grupu L Tanzânia gánha Uganda pa 3-0 e ê garanti si passaporti pa CAN djuntu ku Uganda ki entra kampu qualifikadu.
E di grupu di país afrikanu di língu purtuguês djá stá qualifikadu pa CAN 2019 dôs silesôn: Guiné-Bissau e Angola.