Arikipelágu kre bai Jornada Mundial di Juventudi, ki es anu ta kontisi na Lisboa, ku maior partisipason di sempre. Jornada ta bai di 1 ti 6 d´agostu, ku partisipason di serka di mil pregrinu.
Partida pa Purtugal ta kumesa dia 25 di juliu, undi pré jornada na Fátima ta kontisi di 26 ti 31 di juliu. I duranti jornada ta fazedu munti atividadi sima vigília di orason, festival di juventudi i missa.
Pontu altu ê dia 6 d´agostu ku missa fetu pa Papa Francisco.
Entri partisipanti kabu-verdianu sta jovem, padri, irmã i studanti. Na Lisboa, dilegason kabu-verdiana ta spera partisipa num grandi inkontru, na pós jornada, ku jovem di diáspora ku tema O olhar da diáspora para a igraja e para o país.