Ultramaratunista internasiunal kabu-verdianu Orlando Tavares, más konshedu pa Águia stá bai riprisênta Kabu Verdi na idisôn 2022 di Algarviana Ultra Trail.
Atleta nasiunal sta bai kumpiti na distansia di 300 kilometru na prova markadu pa kuntisi di 24 ti 27 dess mês na Algarve – Purtugal.
Atleta kê militar di formasôn sta pretendi kompleta prova na menus di 50 óra. Previsôn geral ê ki prova ta ser kompletadu na 72 óra.