Kabu Verdi sta partisipa na prumeru Djogu Paralímpiku di África Ocidental, ki ta kuntisi di oji ti 03 di dizembru na Abeokuta, Nigéria.
Sugundu Fiderason Kabu-verdianu di Disportu Adaptadu, partisipason na iventu ta sirbi di priparason pa Djogu Paralímpico Los Angeles 2028.
Ta integra dilegason di Kabu Verdi, doz guia, um trenador e um dirigenti, ki sta bai kompiti na diferenti prova di atletismu, inkluindu 100m, 200m, 400m, 800m, 1500m, saltu, e na katiguria T11, T12, T20 E T47.
Na lista di konvokadu sta Euclides Jorge da Costa Semedo, atleta T47 ki ta kompiti na 100m, 200m e saltu, e Rosimery dos Reis Fonseca, atleta invisual na katiguria T12, undi é ta disputa prova na velosidadi, kumpanhadu pa guia Carlos Araújo.
Inda grupu ta integra Jailson Valdir Andrade Correia (T11 – 100m/200m), guiadu pa Flávio Barreto, e Heididene Patrícia Oliveira Lopes (T12 – 100m/200m/400m), kumpanhadu pa guia Jailson Duarte.