Silesôn Kabu-verdiana Maskulina di Futiból Sénior streia onti na 34ª idisôn di Kopa d’ Áfrika das Nações – CAN – kum vitória di 2 – 1 kontra silesôn di Ghana – ki dja ganha CAN quatu bez.
Pruméru gôlu di Tubarões Azuis kontra Black Stars markadu pa Jamiro Monteiro, na 17 minutu di djogu, e kelotu markadu pa Garry Rodrigues na diskontu – na minutu 92.
Ku kêl resultadu li Kabu Verdi stá lidêra Grupu B ku 3 pontu. Moçambique e Egipto ki impata 2 igual stá ku 1 pontu kada e Ghana inda ka pontua.
Tubarões Azuis ta volta entra kampu dia 19 kontra Moçambique e ê ta fitxa fasi di grupu dia 22 kontra Egipto, Mohamed Salah.
Keli sta ser 4ª partsipasôn di nos silesôn na Kampiunatu Afrikanu di Nações.